Artea eta ingurumena

Artearen bidez ere gaia landu daiteke. Interesgarria izan daiteke ikasleei behean agertuko diren antzeko irudiak erakustea, haien arreta deitzeko asmoarekin, eta kontzientziatzeko beste modu batzuk badaudela jakin ditzaten. 





















Irudien bidez lortu nahi dena da ikasleek hausnarketa txiki bat egitea, irudiek zer transmititzen dieten, eta ea gustatzen zaien ala ez adierazi ditzaten. Gaian murgiltzeko bide dinamiko bat da, eta irakasleak lagundu dezake artelanen esanahia azaltzen. 





















Irudietan klikatuz gero, argazkien iturria agertuko da.

Azkenengo sarrera.

Lauhilabetean zehar egindakoa laburbiltzeko asmoarekin idazten dut sarrera hau. 

Irakasgaiarekin hasi ginenean, baliabide digital ezberdinak erabiltzen ikasiko nuela uste nuen, baina ez da horrela izan. Pare bat baliabide berri ezagutu ditut beste ikasleek egindako aurkezpenei esker, eta etorkizunean erabiliko ditudala uste dut. 

Ikaskuntza gurpilak proiektua ondo egon da, informazioa landu dugu eta bakoitzak nahi zuen baliabide digitala erabili du aurkezpena egiteko. Gai batzuk oso interesgarriak iruditu zitzaizkidan, baina gertatu zena izan zen, egun berean gai bereko aurkezpenak egin zirela, eta azkenean pixka bat errepikagarria egiten zen.

Blogaren bitartez, eguneroko moduko bat sortu dugu, ostegunero (saio magistraleko eguna) sarrera bat publikatzen, eta Saio Teorikoa deitutako etiketaren bitartez antolatuz. Sarrera hauetan klasean egindakoa laburbiltzen saiatu naiz; ikusitako bideoak estekatzen, nire hausnarketa pertsonalak txertatzen... Gainera, irakurritako testuen sintesia, hitz gakoak eta nota pertsonalak ere jarri behar izan ditugu; bata ikaskuntza gurpilak izeneko proiektuan landu beharreko testua,  eta bestea, lauhilabetearen hasieran irakurri beharrekoa, hau da, lehenengo emangarria.

Esan behar dut, orokorrean, espero nuen baino gutxiago ikasi dudala; ez ditut ondo ulertu egin ditugun proiektuak, agian ez zeudelako ondo zehaztuta, baina nire ustez, proiektu interesgarriagoak egin ahal izan genituen. Hala ere, klasean ikusitako bideoei esker, hausnarketak egin ahal izan ditut, eta horrek, beste ideia batzuekin lotzeko balio izan dit, eta baita nire iritzia sortzeko.

Astekaria.

2014/12/18

Gaur klase azken eguna izan da, eta dokumentatzaile talde batek bere lanaren aurkezpena egin du, nire taldeko Dokumentatzaileek ziren, hain zuzen ere.

Aurkezpena egin ondore, irakasleak hainbat bideo eta testu ezberdinak eskaini dizkigu hausnarketa egiteko asmoarekin, eta horrela, lauhilabeteari amaiera emateko.

- Diziplinari buruzko bideoa ikusi dugu: Sesha

- "Erosotasun eremutik irten ikaskuntzaren eremuan sartzeko" izeneko testua irakurri digu, eta musika jarri du atzetik, asko lasaitu nauena.

- "Respuestas para pensar" izeneko bideoa ikusi dugu, non Juana Sanchok teknologiak hezkuntzan duen eraginari buruz hausnartzen duen. Bideoa ikusita, zenbait ideia deitu dute nire atentzioa, adibidez, suposatzen zela teknologiek gauzak aldatuko zituztela, telebista, zinema, ordenagailuak...baina oraindik ez dira aldaketarik ikusi hezkuntzan, tresna guzti hauek ez dute hezkuntza hobetuko antolakuntza sistema berdina izaten bada; ezin baitugu gauza bat aldau beste batzuk moldatzen ez baditugu.


- Ikaskuntzaren linealtasunetik kaosera. Honen inguruan hausnartu dudana izan da, zerbait ez badu funtzionatzen, zergatik ez dugu zeozer berri proposatzen? Ikaskuntzan erabiltzen diren metodoak eta estrategiak ez badira hain eranginkorrak, zergatik ez aldatu?

Klasearekin amaitzeko, irakasleak gaiarekin loturiko azalpen argiak ematen dituzten bi gizon proposatu digu; Jordi Adell eta Manuel Aria.

Webgune interegarriak

"Ecoembes" webgunean hainbat informazio interesgarria aurki daiteke, bai ikasleentzako bai irakasleentzako. Hurrengo argazkian ikusi dezakegu web orriak eskaitzen dituen baliabideak:

Alex eta Róbix, goiko argazkian hirugarrena, birziklatzen laguntzen dituzten bi pertsonaiak dira, eta web orrian agertzen diren bideoak nahiko interesgarriak izan daitezke klasean ikusteko. Bideoak gaztelaniaz daude, eta webguneko informazioa ere, baina hala eta guztiz ere, ondo egongo litzateke baliabide hauek erabiltzea. 

Ingurumenaren zaintza lantzeko zenbait bide daude, eta webgune honetan ideia asko agertzen dira irakasleek gaia modu dinamiko batean landu ahal izateko. 

Hona hemen gaia lantzeko ariketak eskaintzen dituen beste web orri interesgarri bat: http://educambientalmadrid.com/?page_id=567

Goazen ikasgela apaintzera!

Irakasleak birziklapenaren garrantzia azaldu ondoren, arestian aipaturiko ariketen bidez, esaterako, umeek ikasi dutena praktikan jarri daitekela azaldu ahal du. Nire proposamena da hurrengo bideoa jartzea, umeek ikus ditzaten hainbat gauza egin ahal direla birziklatzeko materialekin, eta horrela haien interesa pizten saiatu. 

Behin bideoa ikusita, ikasleek gehien gustatu zaien ideia hartuko dute ikasgela apaintzeko helburuarekin eta egiten saiatuko dute; horretarako beharrezko materialak pentsatuko dituzte hurrengo saioan ariketa egin ahal izateko. Saio honetan zehar, ariketa librea denez, ikasle bakoitzak bere proposamenak egin ahal izango ditu, bakoitzari bururatzen zaion eskulana; baina hori bai, irakasleak kontrolatuko du ea birziklatzeko materialak diren ala ez, eta ikasleei haien arazoetan gidatzen saiatuko da. 

(Irudietan klikatuz gero nondik hartu ditudan agertuko da)

Astekaria.

2014/12/11

Gaur, alde batetik, ikaskuntza gurpilak izeneko proiektua bukatzeko, dokumentatzaileek egindako lana klase aurrean aurkeztu dute, haien blogak erakutsiz eta beste taldeek egindako lanari buruzko bildu duten informazioa azalduz.Interesgarria izan da egin duten lana ikustea, nola erabaki duten ikasketa prozesuaren behaketa egitea (site-s batean, adibidez), eta nire ustez, nahiko lan gogorra izan daiteke, talde guztiek egindakoa biltzea ez baita lan erraza. 

Beste aldetik, irakasleak azaldu digu nola egin beharko dugun blogaren amaierako sarrera. Bertan idatzi beharko dugu saio teorikoetan egindakoa eta izan ditugun zailtasunak azaldu. Nire ustez, hobeto egongo zen azken sarreran hausnarketa eta autoebaluazio moduko bat egitea, eta ez saio teorikoen laburpena errepikatzea, astero egiten ditudan sarreretan azalduta baitago.

Natura zaintzen

Hona hemen natura zaintzeko egin ahal diren hainbat kontu, guztiok egin ahal ditugunak eta esfortsu handirik eskatzen ez dituztenak. Oso garrantzitsua da aholku hauek Lehen Hezkuntzan ematea, umeek txikitatik ohitura onak hartu ditzaten. Ura egunero erabiltzen dugu, beraz, kontzienteak izan behar gara erabiltzerako orduan eta ez beharreko gastua saihestu.

URA AURREZTEN

• Tantak isurtzen dituzten iturriak lehenbailehen konpondu.
• Ez bota garbitzeko produkturik  edo oliorik hustubidetik.
• Dutxa batek bainu bat baino 4  bider gutxiago kontzumitzen du, beraz saiatu ahalik eta gutxiren bainatzen.
• Itxi iturria hortzak garbitzen dituzun bitartean.

   

(Irudietan klikatuz gero nondik hartuta dauden ikusi daiteke)

Ikasgelan gaia lantzeko, nire proposamena honako hau da: ikasleek muralak egin ditzaten gaiari buruz ikasitakoa plasmatuz, modu bisual batean, hau da, muralak ahalik eta deigarrienak izan ditzaten igorleen arreta erakartzeko. Beste aukera bat izan daiteke, umeek antzerki txiki bat egitea, jarrera txarrak errepresentatuz eta jarrera horiek nola hobetu ahal diren antzeztuz.

KONTSUMO ARDURATSUA EGIN DEZAGUN!